“ගහනං හේතං මනුස්සා” ජීවිතේ අමාරුම
කාර්යය මිනිස්සු හදුනා ගැනීම,ඒක කොයි තරම් දුරට සත්ය ද කියලා අපිට
තේරෙනකොට අපි ගොඩක් දුර ගිහින් ආපහු හැරෙන්න බැරි තරම්.
සමහර මිනිස්සු
ගැන දැනගන්න කොට අපිට අපි ගැනම අනුකම්පාවක් ඇති වෙනවා. ජීවිතේ අපි කොච්චර රැවටෙනවද
කියලා.
අපි ලස්සනට
මවලා පාට කරලා කාලයක් ජීවත් වුණ ඒ සුන්දර හීන ලෝකේ මහ වැස්සට අහුවෙලා දියවෙලා
යනකොට තමයි තේරෙන්නේ “ප්රේමතී ජායතී ශෝකො” කියලා. ඒ ධර්මතාවය කොයි තරම් දුරට සත්ය
ද කියලා.
“යතාවාදී
තථාකාරි යථාකාරි තථාවාදී” මිනිස්සු දැන් ලෝකේ හොයන්න බොහොම අමාරුයි. ඉන්න පුලුවන්
බොහොම ටික දෙනෙක්.
තාරුණ්ය සීමා
සහිතයි. ඒත් ආශාවන් අසීමිතයි. ඒත් ඒ ආශාවන් විහිලුවක්, මායාවක් කරගෙන සෙල්ලම් කරන එක භයානක ප්රතිඵලයක
මුල වෙන්න පුලුවන්. හරි - වැරුද්ද, සිරිත්-
විරිත්, සම්ප්රදාය නොහදුනන
සමාජ රාමුවකට කොටු වෙලා අශීලාචාර අශෝභන තරුණ පරපුරක් දැන් බිහිවෙලා.
අපට තාක්ෂණික
දියුණුව අත්යාවශ්යම වුවත් නිවැරදි දේ තෝර ගැනීම අප සතු වගකීමක් යුතුකමක්.
තාක්ෂණයෙන් වල්මත් වෙලා ජීවිතය අදුරේ වැටෙන්න ඉඩ දෙන්න එපා.
හරි දේ හරියට කරන්න
පුරුදු වෙන්න. එවිට අපේ තාරුණ්යයේ සුන්දර මතක සටහන් සමූහයක තොතැන්නක් වේවි.
- චන්දිමා-
